Давлат раҳбари Қосим-Жўмарт
Тўқаев GITEX AI Central Asia энд Caucasus халқаро технология кўргазмасига борди. Унда Президент Al-Farabium
суперкомпьютери имкониятлари билан танишди. Ускуна базасида ўнлаб лойиҳалар
мишлаяпти. Шулардан бири – Қазақтелеком контакт-марказининг СИ-ёрдамчиси.
У мижозларнинг мурожаатларини қабул қилади, товламачиларни аниқлайди, ахборотни
антифрод-марказга юборади, фуқароларни
муҳофаза этади. Президентни банк тизими билан боғлиқ лойиҳалар билан таништиришди. Шу жумладан, рақамли активлар экотизими, криптохаб инфратузилмасини ривожлантириш, Қозоғистон жамғарма биржаси асосида токенлар чиқариш ҳақида айтилди. Қосим-Жўмарт Тўқаевга транспорт ва логистика соҳасидаги лойиҳалар: божхона назорати жараёнларини
такомиллаштирувчи KEDEN ахборот тизими, логистика хизматлари ягона дарчаси бўлган SmartCargo тақдим этилди. Давлат раҳбари айни вақтда Алмати шаҳри IT-экотизими, таълим, хавфсизлик, шаҳарни бошқаришда жорий этилаётган рақамли ечимлар
билан танишди. Президентга Марказий Осиёдаги дастлабки
болалар илмий музейи намойиш этилди.
Абдумалик Сарманов таржимаси
Ўхшаш янгиликлар
