Туркистон вилоятидаги қиймати 135,5 миллиард тенге бўлган, ирригация объектларини тиклашга қаратилган 24 та лойиҳани рўёбга чиқариш учун Ислом Тараққиёт банки орқали сармоя жалб этилди. Минтақанинг 2024 йилдаги ижтимоий-иқтисодий ривожланиш якунлари ва режалар ҳақида вилоят ҳокими Президентга ҳисобот берди. Нуралхан Кўшеровнинг маълум қилишича, маккажўхори, гўшт ва пахта кластерларини ривожлантиришга алоҳида эътибор қаратиляпти. «Оқ олтин»ни қайта ишлаш бўйича қиймати 197 миллиард тенге бўлган 5 та лойиҳа устида ишланяпти. Крахмал-патока заводи қуриляпти, бўрдоқилаш бўйича Австралия тажрибасидан фойдаланиляпти. Энергия тақчиллигини ҳал этиш учун 6 та лойиҳа рўёбга чиқарилади. Давлат раҳбари янги ҳокимга «Туркистон шаҳрининг алоҳида мақоми тўғрисида» қонунlда кўзда тутилган вазифаларни сифатли бажаришда Ҳукумат билан тиғиз ҳамкорликда иш юритишни топширди. Шунингдек, Қосим-Жўмарт Тўқаев фуқаролар турмуш сифатини ошириш, туризмни, қишлоқ хўжалиги, кичик бизнесни ривожлантириш бўйича қатор вазифалар юклади.
Абдумалик Сарманов таржимаси
Ўхшаш янгиликлар
