Президент Қосим-Жўмарт Тўқаев Қирғизистонга расмий визит билан келди. Бишкек халқаро аэропортида давлат раҳбарини вазирлар маҳкамаси раиси – Қирғиз Республикаси Президенти девони раҳбари Ақилбек Жапаров ва қатор расмий шахслар кутиб олди. Бишкекда икки давлат раҳбарлари тор даврада ва кенгайтирилган таркибда учрашиши кутиляпти. Музокаралар кун тартибига томонлар ўртасидаги ўзаро сиёсий мулоқотни янада мустаҳкамлаш, савдо-иқтисодий, инвестициявий, маданий ҳамкорликни кенгайтиришни кўзда тутган қозоқ-қирғиз стратегик ҳамкорлигини ривожлантириш масаласи қўйилган.
