Давлат раҳбарлари RES 2026 EXPO кўргазмасига борди

Минтақавий экологик саммит иштирокчилари бугун Яшил ва барқарор технологиялар халқаро кўргазмасига борди. Давлат раҳбарлари ва хорижий делегацияларга Марказий Осиё давлатлари ва Озарбайжон павильонлари тақдим этилди. Уларда яшил энергетика, табиий захиралардан фойдаланишдаги миллий устуворликлар акс этган. Экспозициялар давлатларнинг экотизимларни сақлаб қолиш, экологик ҳамкорликни ривожлантириш, янги ечимлар жорий қилишдаги ёндашувларни намойиш қилади. Бундан ташқари, меҳмонларга амалий эколойиҳалар тақдим этилди. Улар қаторида минтақа компанияларининг тикланувчи энергетика ва экологик муҳит яратишдаги саноат ишланмалари кўрсатилди. Таъкидлаш лозимки, кўргазма 30 давлатдан келган 240 тадан зиёд  иштирокчини жамлади.

Абдумалик Сарманов таржимаси

Веб-редактор: Нұрбек Балгүл Қайрошқызы