«Самрук-Қазина» нефть-газ, нефть химияси, энергетика, транспорт-логистика ва бошқа соҳаларда умумий қиймати 33 триллион тенге бўлган 46 та инвестициявий лойиҳани рўёбга чиқаряпти. Жамғарма етакчиси Нурлан Жақупов Бош вазир иштирокида ўтказилган «Самруқ-Қазина» директорлар кенгаши йиғилишида шундай баёнот берди. Унда ташкилотнинг 2024 йилдаги фаолияти якунлари ва Президент Ҳукуматнинг кенгайтирилган йиғилишида берган топшириқларини ҳисобга олган ҳолда, келгуси режалари муҳокама қилинди. Шу жумладан, жорий йилда «Талдиқўрған – Ушарал» магистраль газопроводи ишга тушиши оқибатида Жетису вилоятидаги 66 та аҳоли пункти газлаштирилиши кутиляпти. Манғистау вилоятида суткасига 50 минг куб метр сув берувчи завод фаолиятини бошлайди. Темирйўл линиясининг «Дўстиқ – Мўйинти» участкаси Транскаспий халқаро транспорт йўналиши орқали транзит имкониятини кенгайтиради. Ўлжас Бектенов хусусий инвестицияларни жалб этишда давом этиш бўйича ишларни фаоллаштиришни топширди. Инфратузилма, саноат, транспорт, рақамлаштириш ва сунъий интеллектга усутворлик берилади. Ҳукумат раҳбари лойиҳаларнинг ўз вақтида ишга туширилишини қатъий назоратга олишни топширди.
Ўлжас Бектенов, Қозоғистон Республикаси Бош вазири:
Бейнеу – Бўзўй – Чимкент газопроводининг иккинчи линияси,
Қашаған ва Жанаўзенда иккита газни қайта ишлаш заводи,
полиэтилен, бутадиен заводлари
қурилиши кетяпти. Биз бу лойиҳаларнинг ҳаммаси ўз вақтида ишга тушишини
таъминлашимиз керак. Объектларнинг кўпига бордим, вазиятни кўрдим.
Бу ишларга
алоҳида эътибор керак.
Абдумалик Сарманов таржимаси
Ўхшаш янгиликлар
