Бразилияда Ақтау
яқинида қулаган Озарбайжон авиалиниялари самолёти «қора қути» ларидаги ёзувлар таҳлили якунланди. Авиация фалокатларини таҳлил қилиш ва олдини олиш
маркази Қозоғистонга тегишли материалларни жўнатди. Мамлакат Транспорт вазирлиги
берган маълумотга кўра, бу материаллар келиши билан экспертлар
борт ёзувлари маълумотларини ўрганишга киришди.
Абил Кекильбаев, авиация эксперти:
- «Қора қути»лар кўп
маълумот беришига умид қиляпмиз. Кабинадаги овозлар, ҳаво кемасини бошқариш,
датчиклар маълумотлари ёзиб борилган ва улар кўп деталларни очиб бериши мумкин. Комиссия барча версиялар бўйича фикр билдиради ва
дастлабки хулосасини тайёрлайди.
Серик Мухтибаев, авиация эксперти:
- Ҳозирча ҳаво
кемаси қолдиқлари Ақтау аэропортидаги ангарда. Стандарт жараёнга кўра, ҳамма маълумот тўпланганидан сўнг авиафалокат сабабларини аниқлаш
учун улар тўла ўрганилади. Яъни, ҳар бир деталь, сим, фюзеляж, двигатель қисмлари ва бошқалар кўриб чиқилади. Яна бир марта айтаман: юз берган фалокатга объектив баҳо бериш учун
ҳамма иш қилинади.
Эслатамиз, ўтган йилнинг 25 декабрида AZAL авиакомпаниясининг «Боку-Грозний» рейси бўйича учган самолёти Ақтау яқинида фалокатга учради. Унинг бортида 67 киши, шу жумладан, 5 нафар экипаж аъзолари бўлган. Фалокатда улардан 38 нафари ҳалок бўлди, 29 нафари омон қолди.
Абдумалик Сарманов таржимаси.
Ўхшаш янгиликлар
