Астанадаги тарихчилар Миллий конгресси
анжуманида «Қозоғистон тарихи: энг азалий даврлардан бугунги кунгача» етти
томли академик нашрини чоп этишга тайёрлаш масаласи муҳокама қилинда. Шу кунларда
бу асар устида бешта илмий-тадқиқот институти ва мамлакатдаги 250 нафардан зиёд
олим ишлаяпти. Давлат маслаҳатчиси Ерлан Қарин ўз нутқида таъкидлашича, сўнгги
йилларда илмий айланмага киритилган янги археологик топилмалар ва архив
ҳужжатлари миллий тарихни яхлитлигича ва кенг англаб етиш зарурати
мавжудлигидан далолат беряпти.
Ерлан Қарин, Государственный Советник РК
– Қозоғистон – нафақат кўчманчилар
давлатчилигининг қадимий шакллари бешиги, қачонлардир ўта кучли бўлган
давлатлар ва империялар вориси, балки ўзига хос номад тамаддуни вужудга келиши
ва шаклланиши марказидир. Шунинг учун тарих фанининг вазифаси – улкан цивилизация
парадигмаси асосида тарихимизни англаб етишни теранлаштиришдан иборат.
Форум иштирокчилари кўп томли академик нашрни тайёрлаш ишларини юқори баҳолашди. Олимлар археологик ва тарихий-маданий ёдгорликларни ўрганишни кенгайтириш, архив ишини ривожлантириш, дарсликларни, тарихни ўқитиш усулларини такомиллаштириш зарурлиги ҳақида гапиришди. Тадқиқотчилар археология, этнография, тарихий географиядаги янги кашфиётларни, шунингдек, хорижий архивлар ва кутубхоналардаги изланишлар натижаларини ягона тизимга келтириш муҳимлигини таъкидлашди
Абдумалик Сарманов таржимаси.
Ўхшаш янгиликлар
