ТеатрALL фестивали доирасида пойтахт аҳли ва меҳмонлари 10 та энг яхши миллий ва хорижий спектаклни томоша қилиши мумкин. Улар бир вақтнинг ўзида Астанадаги бир нечта саҳнада – Ёш томошабинлар мусиқали театрида, «Қаллеки» ва “Жастар” театрларида намойиш этилади. Жорий йилда ушбу маданий тадбирда мамлакатимиздаги 8 та театр жамоаси ҳамда Озарбайжон, Ўзбекистон, Туркманистон, Қирғизистон ва Россиядан келган меҳмонлар иштирок этади. Ёпилиш маросими 30 октябрда бўлиб ўтади. Шу куни еттита турли номинация бўйича ғолибларга мукофотлар топширилади. Фестиваль ҳакамлар ҳайъати энг яхши постановка, сценография, актёрларни аниқлайди. Шунингдек, ташкилотчилар айтишича, бу йил театр санъати ривожига ҳисса қўшгани учун Озарбайжон Мамбетов номидаги махсус мукофот таъсис этилган.
Хуршида Абдуллаева таржимаси
