Астанада Марказий Осиёда дастлабки илмий-креатив хаб очилди. Маскан Назарбоев Университети базасида ташкил этилган бўлиб, янги
креатив иқтисодиёт лойиҳаларини қўллаб-қувватлашга мўлжалланган. Өnergy
Creative Hub таркибида олтита лаборатория мавжуд, рақамли контент ва
кинодан биодизайн, ҳатто гастрономиягача
қамраган. Барча йўналишлар лойиҳаларни келгусида бизнес ва шаҳар муҳитига жорий
этиш ва амалда қўллашни мақсад қилган. Хабда, шунингдек, коворкинг ва резидентлик
тизими кўзда тутилган. Бу, олий ўқув юрти раҳбарияти фикрича, иштирокчилар учун
фақат ғоя ишлаб чиқиш эмас, балки уларни тайёр бизнес-маҳсулотга айлантириш
имконини беради. Бу ерда медиаконтент яратиш ёки санъат соҳасида лойиҳаларни
ривожлантириш мумкин. Қолаверса, нутрициологлар иштирокидаги экспериментал ресторан
синов тартибида иш бошлади. Ташкилотчилар айтишича, хаб ўзаро ҳамкорликнинг
янги моделини шакллантиради,
унда фан ва креатив саноат иқтисодий натижа учун ишлайди. Умуман, лойиҳа
иқтидорли ёшлар ва платформа учун тортувчи нуқтага айланиши кўзда тутилган, унда
ғоялар равнақ топиб, бозорга чиқиш имконига эга.
Вакар Аҳмад, Назарбоев Университети Президенти:
- Ғоя ижодий симбиоз доирасида фаннинг маданият, санъат
ва бошқа соҳалар билан бирлашмасидан иборат.
Мазкур лойиҳа олдда турган масалалар ечимини топиш учун бизнинг
ўқитувчи ва талабалар, олимлар, кенг жамоатчилик, рассомлар, ёзувчилар билан
ҳамкорликда амалга оширилиши кутилмоқда.
Жанайдар Мапан, медиа-лаборатория раҳбари:
- Бу ерда ўзингизнинг бирор ишингизни, қандайдир инфографика ва шу
кабиларни трансляция қилишингиз,
ундан абстракция ўлароқ фойдаланишингиз мумкин. Биринчиси – қора цикло-лавҳа, у қуюқ қора ранг беради, унда, бошқача айтганда, реклама роликлари
ишлашингиз, қизиқарли ва таъсирчан портретлар яратишингиз мумкин. Бу сингари подкастларни, ҳужжатли воқеаларни тасвирга олиш ишларига
тўлақонли ҳамроҳлик қила оламиз. Фақат Астана билан чекланиб қолмайди, бутун
Қозоғистон ва Марказий Осиёни қамраб олган.
Абдумалик Сарманов таржимаси
Ўхшаш янгиликлар
