Астанада жадал рақамли иқтисодий тараққиёт шароитида хотин-қизлар учун имкониятларни кенгайтириш масаласи кўрилди. ХХР элчихонасида бўлиб ўтган семинар Пекин декларациясининг 30 йиллик юбилейига бағишланди. Майдончада БМТ Барқарор тараққиётда мақсадларига эришишда, мамлакатларнинг иккитарафлама алоқалари доирасида аёллар роли ҳақида сўз борди. Иштирокчилар таъкидлагани каби, Қозоғистон ва Хитой ўхшаш динамика кўрсатмоқда: сўнгги йилларда ҳар иккала давлатда хотин-қизларнинг иқтисодий фаоллиги кучайди, тадбиркорлик ва технологик секторда улар иштироки кенгайди. Бундан ташқари, TechnoWomen бошқарув раиси Азиза Шужеева айтишича, технологик компаниялар ва хотин-қизлар бизнес-ҳамжамиятлари билан ҳамкорлик ХХРда сезиларли фаоллашган. Қозоғистонда аёллар финтех ва e-commerce стартаплари Хитой ва халқаро платформаларга чиқмоқда.
Азиза Шужеева, Techno Women нотижорат ташкилоти бошқарув раиси:
- Жорий йилда биз стартапларимизни Хитойдаги турли «Maker in China» танловларига тақдим этдик. Аяулим Аяганова деган қизимиз ўз лойиҳасини «Эдара» платформасига жойлади ва «Black Horse» номинациясини қўлга киритди. Жорий йилда «Invest inHong Kong» раҳбари билан қўшма учрашувлар ўтказдик. Унга ҳам хотин-қизлар IT-стартапларининг бутун бир тўпламини тақдим этдик. «Invest in Hong Kong» кўмагидаўта сифатли нетворкинг имконига эга бўламиз, шу майдончада ўз стартап-лойиҳаларимизни илгари сурамиз.
Хан Чуньлинь, ХХРнинг Қозоғистондаги элчиси:
- 1995 йилда Пекинда аёллар ишлари бўйича 4-Бутунжаҳон анжуман бўлиб ўтган, унда Пекин декларацияси ва Ҳаракат режаси қабул қилинганди. Бу ҳужжатлар Эбутун дунёда гендер тенглигини илгари суришда асосий пойдевор бўлди. Ўтган ойда хотин-қизлар ҳуқуқларига бағишланган навбатдаги глобал саммит ташкил этилди. Бугун биз Пекин декларацияси моддаларини амалга ошириш, давлатларимиз ўртасида аёлларни қўллаб-қувватлашдаги ҳамкорликни кенгайтириш учун халқаро алоқаларни кучайтириш қанчалик муҳимлигини кўриб турибмиз.
Абдумалик Сарманов таржимаси
Ўхшаш янгиликлар
