Президент Қосим-Жўмарт Тўқаев Astana LRTни ишга тушириш маросимида қатнашди. Давлат раҳбари Ягона диспетчерлик маркази иши билан танишди. Айнан шу ерда пойтахт жамоат транспорти, шу жумладан, LRT ҳам мониторинг қилинади, иши тартибга келтирилади. Унда 20 нафар ходим ишлайди. Қосим-Жўмарт Тўқаев таъкидлашича, пойтахтимиз Евроосиёнинг транспорт хабига айланди. У лойиҳани муваффақиятли рўёбга чиқаргани учун Хитой томонига миннатдорчилик билдирди, компания ишида қатнашганларнинг барчаси табриклади. Президентга 001 рақамли карточка топширилди. Давлат раҳбари биринчи йўловчи сифатида аэропортдан «Миллий музей» станциясигача сайр қилди. Таъкидлаш лозимки, ҳар бир состав 600 йўловчига мўлжалланган. 22 километрли линияда 18 та станция бор. Бу йўналишда 15 та ҳайдовчисиз поезд қатнайди. Айни вақтда, 26,5 километрли LRTнинг иккинчи навбатини қуриш бўйича иш бошланди.
Абдумалик Сарманов таржимаси
Ўхшаш янгиликлар
