«Астана Опера»
театрида яна аншлаг. Ҳашаматли «Риголетто» постановкаси яна санъат
ихлосмандлари юрагини забт этди. Жузеппе Вердининг муҳаббат ва хиёнат ҳақида
ҳикоя қилувчи асари ушбу театр саҳнасида биринчи марта қўйилди. Спектакль
устида маэстро Алан Бурибаев ва француз режиссёри Арно Бернар ишлади. Улар
қаҳрамонларнинг барча ҳиссиётлари ва изтиробларини янги талқинда тақдим эта
олди. Постановкада асосий ўринда тили аччиқ масхарабоз бўлган Риголетто эмас, маданиятли,
ҳамиша янгиликка интилиб яшаган, лекин тақдири оғир кечган Герцог турибди. Ижрочилар
ўз фикрларини саҳнага олиб чиқа олди, оркестр эса Верди партитурасининг барча нюанслари
– нозик лирика ва фожиавий жўшқинликни етказиб берди.
Арно Бернар, режиссёр:
– Жузеппе Вердининг
операси – Ўрта асрлар Италиясида пайдо бўлган фильмга ўхшайди. Мен актёрлардан ўз партияларини реалликка
яқинлаштириб ижро этишни, ўзига хос артистизм билан кўрсатишини илтимос қилдим.
Костюмларга келсак, рассом Анна Вердега либосларни яратишда машҳур Моронига эътибор қаратиш, тўқ
ранглардан фойдаланишини сўрадим. Улар тегишли даврга хос, персонажлар характерига
хос тикилган.
Алан Бурибаев, дирижёр:
– Спектакль тарихни
яхши билган ҳолда дид билан тайёрланди. Унда полотно жонланиб кетган каби
туюлади, дейиш мумкин, Тасаввур қилинг, агарда Верди Караваджо билан таниш
бўлиб, биргаликда спектакль яратишганида, менимча, шунга ўхшаш нарса чиқарди. Биз
ана шундай натижага эришишга интилдик.
Абдумалик Сарманов таржимаси
Ўхшаш янгиликлар
