Шимолий Қозоғистон университетидаги Arizona университети филиалига сентябрдан талабалар қабул қилиниши режалаштирилган. Мамлакат бош вазири ўринбосари Ерали Туғжановнинг хорижий таълим даргоҳи вакиллари билан учрашувидан кейин шундай баёнот берилди. Таъкидлаш лозимки, Қўзибаев номли Шимолий Қозоғистон давлат университети рақобатбардошлигини ошириш мақсадида Аризона Университетининг энг яхши амалиётларидан фойдаланиш мўлжалланган. Ҳамкорлик доирасида таълим ва академик мобиллик дастурлари ишлаб чиқилади, хорижлик профессорлар жалб этилади. Натижада, илм даргоҳида илғор илмий тадқиқотлар ўтказиш ва халқаро лойиҳаларда иштирок этиш имконияти туғилади. Бундан ташқари, талабалар икки ўқув юрти: Қозоғистон ва University of Arizona дипломини олади.
Абдумалик Сарманов таржимаси.
