Алматида очиқ осмон остидаги Улуғ Ватан уруши даври
техникаси музейи очилади. Ҳозир бу йўналишда фаол ишлар олиб бориляпти. Музей 9 май куни очилади. Экспозицияга 30 тадан зиёд, жумладан, икки томон фойдаланган ўта ноёб
техника ва қурол киритилади. Хусусан, машҳур Т-34 танки, дивизия
тўпи ҳам бор. У 8-гвардиячи мотоўқчи Панфилов
дивизиясига қарашли бўлган. Пулемётлар, гаубицалар,
зенит қуроллари Армия уйига ёндашган икки кўча четига
ўрнатилади.
Экспонатларнинг бир қисми реставрация қилинди. Бундан ташқари, очиқ ёзги кинотеатр очилади, унда уруш ҳақидаги машҳур фильмлар намойиш этилади.
Алматбек
Назаров, Алмати ҳарбий-тарихий музейи ходими:
–
Музей ёшлар тарбиясида катта аҳамиятга эга бўлади. Чунки ватанпарварликни тарбиялаш, сингдириш тарихни
ўрганиш орқали амалга ошади. Асосий ишимиздан мақсад – аждодлар жасоратларини ёш авлодга кўрсатиб беришдан иборат.
Алуа
Байқадамова, Алмати ҳарбий-тарихий музейи директори:
- Ҳудудимиз чеклангани сабабли биз ўлчамлари тўғри
келадиган нусхаларни олдик. Бу томондан юрсак, кўриб турганингиз каби, Мангу
олов қаршимиздан чиқади, ундан юқорига кўтарилсак, 6 та қуролни кўрамиз. Сўнгра
одамлар музейимизга кириши мумкин.
Абдумалик Сарманов таржимаси
Ўхшаш янгиликлар
