Дунёдаги энг нуфузли нашрлардан бири The Guardian
Каспийнинг Қозоғистон соҳилида олинган фотосуратлардан бирини дунёнинг энг яхши
тасвирлари қаторига киритди. Манғистау вилояти ҳокимлиги берган маълумотга
кўра, британ газетаси ўзининг «Куннинг энг яхши фотоси» рукнида Ақтауда
ўтказилган «Дашт билан ҳамоҳанг оталар ҳунари» ҳунармандлар фестивалида олинган
кадрни чоп этди. Фотография таҳрир ҳайъати томонидан энг яхши асарлар қаторига киритилди. Унда Буюк
Даштдаги қозоқ миллий анъаналари, қадриятлари, санъати муҳити ажойиб тарзда
ифодаланган. Экспертлар фикрича, мазкур фотография чоп этилиши мамлакатнинг бой
маданий мероси халқаро майдонда эътироф этилаётганини, Қозоғистонга қизиқиш
ортаётганидан дарак беради.
Абдумалик Сарманов таржимаси
Ўхшаш янгиликлар
