Уруш
йилларида Ақтўбеда снарядлар, ўқ, портлатувчи машиналар ишлаб чиқарилган.
Минтақа Ватан ҳимоясига кетган аскарларни таъминлаган. «Ақтўберентген»
корхонаси 1941 йил ноябрида Москвадан
кўчириб келтирилди, у кўчма ва фронт ортидаги госпиталлар учун рентген
аппаратлари чиқарарди. Ақтўбе Тарих-ўлкашунослик музейида бу даврга оид жуда
кўп экспонатлар сақланяпти.
Арман
Ержанов, Ақтўбе вилоят Тарих-ўлкашунослик музейи илмий ходими:
-
Минтақамиз заводларга хомашё етказган, ўқ қуйган, гранаталар етказиб берган. Эски
ҳужжатларга кўра Алға кимёвий комбинатида уруш йилларида торпедо ва снарядлар
чиқарилган экан.
Уруш
йилларида Ақтўбеда саккизта завод ва фабрика жойлашган. Улардан бирида танклар учун
чўян ва бронза арматура, трактор ва машиналар учун эҳтиёт қисмлар, снаряд ва
миномётлар учун деталлар ясалган. 1943 йилда Ақтўбе ферроқотишмалар заводида
қуроллар ва ўқ-дори учун компонентлар чиқариш йўлга қўйилган. Вилоятда
эвакуация госпиталлари ишлаган. Шаҳарнинг тарихи қизиқарли, ундаги музей ҳамиша
гавжум.
Арайлым
Ансатғали, ўқувчи:
-
Тарих-ўлкашунослик музейида кўп нарса билиб олдим. Уруш қаҳрамонлари, уларнинг
Ғалабага қўшган ҳиссаси ҳақида маълумот тўпладим. Шунингдек, минтақамизда
кўплаб этнографик ва археологик артефактлар топилган экан.
Таъкидлаш
лозимки, минтақадан фронтга 122 минг нафар аскар кетган, бу вақтда вилоят
аҳолиси 335 минг нафарни ташкил қилган.
Абдумалик Сарманов таржимаси
Ўхшаш янгиликлар
