Абай вилоятида 2028 йил сўнгига қадар 24 та инвестициявий лойиҳа амалга оширилиши режа қилинган. Уларнинг умумий қиймати 2,2 триллион тенге. Шундан 6 та лойиҳа жорий йилда рўёбга чиқарилади. Вилоят ҳокими Президентга минтақанинг ҳозирги ҳолати, уни ижтимоий-иқтисодий ривожлантириш режалари ҳақида ахборот берди. Берик Уали Қосим-Жўмарт Тўқаевни вилоятдаги ижтимоий объектлар ва коммунал инфратузилма аҳволидан хабардор қилди. «Қулай мактаб» миллий лойиҳаси доирасида 5 та объект ва ўқувчилар саройи барпо этилади. Бундан ташқари, Иртиш дарёси устида яна битта кўприк қурилади, вилоят марказидаги осма кўприкни реконструкциялаш бўйича лойиҳа-смета ҳужжатлари ишлаб чиқилмоқда. Шу билан бирга, Семей атрофида айланма йўл қурилиши масаласи кўриляпти. Президент ҳокимга Ҳукумат билан биргаликда минтақани жадал равнақ топтириш, долзарб масалаларни босқичма-босқич ҳал этиш йўлларини ишлаб чиқишни топширди. Шунингдек, буюк Абай таваллудининг 180 йиллигига аталган юбилей тадбирларини муносиб ўтказиш муҳимлиги уқтириб ўтилди.
Абдумалик Сарманов таржимаси
Ўхшаш янгиликлар
