Түркмөнстанда
дүйнөдөгү эң беделдүү
цирк өнөрү сынактарынын бири
Монте - Карлодогу 47 эл аралык цирк фестивалынын жеңүүчүлөрүн салтанаттуу түрдө тосуп алышты. Монакодо ат
кулагында ойногон
«Галкыныш» –
«Жаңыруу»
тобу калыстарды жана көрүүчүлөрдү өзүнүн
трюктары жана чеберчилиги менен таң калтырды. Натыйжада түркмөн артисттери өз
сыйлыктарын Гран-При гана эмес, жаш калыстар тобунун, италиялык жана индиялык
цирктердин сыйлыктары жана фестивалдын сертификаттары менен майлашты.
Иш-чаранын катышуучуларын түркмөн элинин улуттук лидери, ошондой эле өлкөнүн
Президенти куттуктады. Алар республикада салттуу ат спорту жигердүү өнүгүп келе жатканын белгиледи.
Сердар Пыгыев, Түркмөнстандын эмгек сиңирген жылкычысы:
- Бул тарыхый учурдун бир бөлүгү болуу мен үчүн сыймык.
Биз түркмөн искусствосунун өнүгүшүнө өз салымыбызды кошуп, бүткүл дүйнөгө өз
уникалдуулугубузду көрсөтө алганыбызга сыймыктанабыз. Дүйнөлүк аренадагы ар бир
ийгилик - бул биздин жеке жеңишибиз гана эмес, бүтүндөй өлкөнүн жеңиши.
"Галкыныш" кылымдарды карыткан салт менен байланышты символдоштурат.
Биздин топ байыркы ырым-жырымды заманбап жетишкендиктер менен айкалыштыруу аркылуу
цирк искусствосун сактап, өнүктүрөт.
Которгон: Илгиз Жамалбеков
Oкшош жаңылыктар
