Кассадан алыстабай казак тилин үйрөнүү. Караганды облусунун Темиртау шаарында казак тилин үйрөнгүсү келген сатуучулар үчүн атайын курс уюштурулду. Теория менен тажрыйбаны айкалыштыруу үчүн кызматкерлер кардарларды казак тилинде жумуш үстүндө тейлей алышат.
Татьяна Федорчук, соода үйүнүн администратору:
- Биз саламдашуу темасын жетиштүү түрдө үйрөндүк деп ойлойм. Бүгүн азык-түлүк темасын окудук. Бизде казак тили сабактары сонун өтүп жатат. Абдан кызыктуу. Негизинен соода үйүнө таандык тематикада өтүп жатат.
Соода тармагынын кызматкерлери үчүн базалык курс 21 сабактан турат. Мындан тышкары, буга чейин мамлекеттик тилди комплекстүү окуп үйрөнүү боюнча тереңдетилген программалар иштелип чыккан.
Гульмира Олжабаева, Темиртау шаарынын маданият жана тилдерди өнүктүрүү бөлүмүнүн башкы адиси
- Бул долбоорго биринчи болуп 2 соода борбору кызыкты. Азыр жалпы угуучулардын саны 29 кишини түздү. Алар сабактардан зор көлөмдүү билим ала алышат жана зарыл терминдерди үйрөнүшөт. Сабактар акысыз негизде өткөрүлөт.
