Казак тилин үйрөнүп, өлкөнүн салт-санаасы, тарыхы, маданияты менен таанышкан чет элдиктердин саны өсүүдө. Мартайн Марриот Швейцариядагы эң ири университеттердин биринин окутуучулары жана студенттерден түзүлгөн топ Талдыкорганга атайын келди. Евразия изилдөө борборунда беш тилде эркин сүйлөгөн болочок этнограф-антрополог мамлекеттик тилди үйрөнө баштады.
Мартайн Марриот, Цюрих университетинин студенти:
- Мага Казакстандагы адамдардын ачыктыгы, бири-бири менен сүйлөшүп, баарлашканы жакты. Келечекте казак тилин тереңирээк үйрөнүп, бул жакка дагы келгим келет. Мен Борбор Азиянын башка өлкөлөрүнө барып көрсөм дейм.
Вернер Герцуг, этнограф:
- Мен өлкөдө социализмден демократияга өтүү жараяны жүрүп жаткандыгын байкадым. Мени экономикалык өзгөрүүлөр, өнүгүүлөр абдан кызыктырды. Изилдөөгө татыктуу масштабдуу жана маанилүү тема деп ойлойм. Бул жолку сапарда казак эли жөнүндө көп нерселерди билдим. Мага улуттук тамактар жакты.
Белгилей кетсек, Евразия изилдөөлөр борбору жергиликтүү жана Цюрих университеттеринин биргелешкен долбоору болуп саналат. Билим берүү мекемелеринин өкүлдөрүнүн айтымында, кызматташуунун алкагында көптөгөн кызыктуу долбоорлорду ишке ашыруу пландалууда.
Петер Финке, Цюрих университетинин профессору:
- Бүгүнкү күндө эки долбоор бар. Борбордук Азиядагы бизнес маданияты. Ошол жөнүндө. Экинчиси келээрки жылдын үчтүн айында башталат. Ал Борбор Азиядагы коррупция тууралуу. Долбоордун алкагында 15-20 университет бар. Ал жыйырма алтыга чейин барат. Беш жылдыктын иш планы алдыга коюлган. Андан кийин дагы долбоорлорду жасайбыз деп ойлойм.
Эки тараптын келишимине ылайык, студенттер келээрки жылы Швейцарияга барышат. Бир айдын ичинде жаштар ошол өлкөдө билимин, квалификациясын жогорулатышат.
Которгон: Илгиз Жамалбеков
Веб-редактор: Admin
Oкшош жаңылыктар
