Мындай демилгени Сенаттын жыйынында Андрей Лукин көтөрдү. Анын айтуусунда шаардын экологиялык балансы коркунуч туудуруп жатат. Депутат Өзгөчө кырдаалдар министрлигинин маалыматына таянып, мындай аймактарда курулуштар техногендик көчкүгө алып келип, жарандардын өмүрүнө чоң коркунуч жаратат. Бул татаал көйгөйгө тургундар гана эмес, коомчулуктун активисттери, сейсмологдор, юристтер да көңүл буруп жатышканын кошумчалап өттү. Жалпысынан, Лукиндин айтымында, өткөн жылы Алматыда 751 жер мыйзамын бузуу фактысы аныкталган. Ошол эле учурда шаардык акимчилик 156 иш боюнча чечимди жокко чыгарууну өтүнүп сотко кайрылган. Шаардагы мыйзамсыз курулуштарды чечүү боюнча депутаттын өзүнүн сунуштары да даяр.
Андрей Лукин, Парламент Сенатынын депутаты:
Алматыдагы жана Алматы облусундагы тоолордо жана тоо беттеринде жайгашкан жерлерди кылдат инвентаризациялоо; колдонуудагы мыйзамга кошумча катары түштүк борбордо жана анын айланасындагы тоолуу аймактарда курулуш иштерин жүргүзүүгө тыюу салуу; инвентаризациялоо иштери аяктагандан кийин тиешелүү ченемдик укуктук актыларды кабыл алуу менен жерди өткөрүп берүүгө мораторий жарыялоо зарыл.
Веб-редактор: Admin
Oкшош жаңылыктар
