Казакстан газ ресурстук базасын кеңейтүүдө. Жылдын аягына
чейин жаңы Анабай кени ишке киргизилет. Мындан тышкары Придорожное кенин
иштетүүгө даярдыктар башталды. Бүгүн QazaqGazдын жетекчиси Санжар Жаркешов
президент Касым-Жомарт Токаевге биринчи жарым жылдыктын негизги көрсөткүчтөрү
тууралуу маалымат берди. Ошондой эле ал Бейнеу-Бозой-Шымкент газ куурунун
экинчи линиясынын долбоорунун жүрүшүнө жана Кытай менен жаңы экспорттук
келишимге кол коюу боюнча баяндап берди. Жолугушуунун жыйынтыгында президент
ички рынокту туруктуу газ менен камсыздоону тапшырды.
Которгон: Илгиз Жамалбеков
