9-августта Астанада Борбордук Азия мамлекеттеринин лидерлеринин консультативдик жолугушуусу жана «Борбордук Азия + Япония» диалогунун биринчи саммити өтөт. Иш-чаранын алдында Касым-Жомарт Токаевдин «Борбордук Азиянын ренессансы: туруктуу өнүгүү жана гүлдөп өнүгүү жолунда» деген макаласы «Казахстан правдасы» гезитинде жарык көрдү. Анда мамлекет башчысы аймактын тарыхындагы жакынкы он жылдыктын маанилүүлүгүн баса белгилейт. Президент Бүгүнкү күндө Казакстан, Өзбекстан, Кыргызстан, Тажикстан, Түркмөнстан ортосундагы өз ара мамилелер тереңдетилген стратегиялык өнөктөштүк жана союздаштык деңгээлине жеткенин баса белгилейт. Регион саясий салмакты жогорулатууда-муну «Борбордук Азия плюс» форматындагы жаңы диалог аянтчаларынын пайда болушу тастыктап турат. Касым-Жомарт Токаев аймакты өнүктүрүү үчүн бир нече максаттарды белгилейт: бул тынчтыкты жана туруктуулукту сактоо, экономикалык потенциалды, транспорттук-логистикалык жана транзиттик мүмкүнчүлүктөрдү андан ары калыптандыруу. Ошондой эле суу, энергетика жана азык-түлүк коопсуздугу жана аймактын жаш интеллектуалдык мууну сыяктуу баалуу ресурс жөнүндө болмокчу.
Которгон: Илгиз Жамалбеков
