Мамлекет башчы Астанага расмий сапар менен келген Түркмөнстандын тышкы иштер министри Рашид Мередовду кабыл алды. Касым-Жомарт Токаев эки өлкөнүн ортосундагы мамилелердин азыркы абалына оң баасын берди. Ашхабад Астана менен эки тараптуу кызматташтыкты мындан ары да кеңейтүүгө кызыкдар. Буга байланыштуу тараптар соода-экономика, энергетика жана транспорт-логистика тармагындагы ири долбоорлорду ишке ашыруунун жүрүшүн талкуулашты. Мындан тышкары, жыл сайын жаңы мазмун менен байып келе жаткан маданий-гуманитардык чөйрөдөгү кызматташууга басым жасалды.
Касым-Жомарт Токаев,
Казакстан Республикасынын Президенти:
-Биз Түркмөнстанды
ишенимдүү стратегиялык өнөктөш жана тарыхый жактан тектеш мамлекет катары
карайбыз. Чындыгында, акыркы жылдары биздин мамлекеттердин кызматташтыгы, анын
ичинде экономиканын стратегиялык тармактары боюнча да тез өнүгүп жатат. Маданий-гуманитардык
чөйрөдө да байланыш өнүктү. Буга чейин бир топ иштер аткарылды. Алдыда дагы көп
иштер турат.
Которгон: Илгиз
Жамалбеков
