Тынчтык, ынтымак, биримдик. Көп
улуттуу мамлекеттин негизги принциптерин Казакстан элдери Ассамблеясы жигердүү
илгерилетүүдө. 30 жыл ичиндеги иштин жыйынтыгы тууралуу КЭАнын 34-сессиясынын
катышуучулары айтып беришти. Этномаданий борборлордун өкүлдөрү жаңы коомдук
этиканы чыңдоонун маанилүүлүгү тууралуу президенттин сөздөрүн колдошот. Ал
адилеттүүлүктү баарынан жогору койгон жоопкерчиликтүү жана ак ниеттүү «Адал
азамат» концепциясын жайылтуу аркылуу жүргүзүлөт. Ошондой эле, ал туруктуу
коомдун негизи катары «Мыйзам жана тартип» принцибине негизделген.
Данильбек Саратов, Батыш
Казакстан облусундагы «Вайнах» чечен-ингуш этно маданий бирикмесинин төрагасы:
- Биздин жаштарга пайдалуу – бул
тууралуу бизге эч ким айткан эмес. Биз өзүбүз Ассамблеянын маңызынын бардык
негиздерин түшүндүк. Ошон үчүн жаштарыбыз бактылуураак, анткени биз аларга
айтып, өзүбүздө болгон тажрыйбаны өткөрүп жатабыз. Ал эми бул биздин коомдо
кантип тынчтыкта жана ынтымакта жашоонун тажрыйбасы болуп саналат.
КЭА демилгелер, долбоорлор жана
акциялардан эч качан четте калбайт. Ар дайым өлкөнүн алдында турган эң
актуалдуу маселелерге көңүл буруп келет. Мисалы, өткөн жылы жазгы суу
ташкындарында Ассамблеянын колдоосу астында 12 миңден ашык ыктыярчы
гуманитардык жардам чогултуп, талкаланган үйлөрдү калыбына келтирүүгө катышкан.
Зушархан Чалданов, Түркестан
облусунун этно маданий бирикмесинин аксакалдар кеңешинин төрагасы:
- Биз аксакалдар катары жаштарды
патриоттуулукка тарбиялап, өлкөнүн биримдигин бекемдөөгө салым кошууга аракет
кылабыз. «Сабаттуу аң-сезим» коомдук долбоорунун алкагында биз жаман адаттарга,
кумар оюндарына, үй-бүлөдөгү зомбулукка жана вандализмге каршы иш-чараларды
өткөрүп жатабыз. КЭС 30 жыл ичинде казакстандык иденттүүлүктүн жана жарандыктын
негизинде этностордун биригүүсүн жана интеграциясын камсыздады.
Которгон: Илгиз Жамалбеков
Oкшош жаңылыктар
