Туризмди жана маданий мурастарды жайылтуу. Казакстанда Жаштар жана мурас долбоорунун алкагында 12 мыкты туристтик маршрутту иштеп чыккандар сыйланды. Сынакка Казакстандын 14 облусунан, Нур-Султан, Алматы жана Шымкент шаарларынан 16 жаштан 29 жашка чейинки 178 команда жана ЮНЕСКОнун клубдары катышты. Алар туристтик маршруттарды түзүү боюнча бардыгын, тагырагы, аудио жана видео гиддерди түзүүнү үйрөнүшүп, Казакстандын маданий жана жаратылыш мурастары боюнча билимин тереңдешти. Долбоордун практикалык бөлүгүндө командалар маршрутту түзүп, пункттар тууралуу маалымат менен тексттик документ жазып, картаны түзүшү керек болду. Насаатчылардын жардамы менен алар өздөрүнүн долбоорлорун мындан ары да өркүндөтүштү. Финалга 12 эмгек тандалып алынды.
Асемгүл Қапарова, Казакстандын Улуттук ЮНЕСКО федерациясынын башкы катчысы:
- Учурда кошумча туристтик маршрутту иштеп чыгуудабыз. Азырынча аталышы жок. 1 айдын ичинде даяр болот деп турабыз. Ал жерге башында түзүлгөн бардык 60 маршрут кошулат. Эми алар кандай тилде жасалган болсо, ошол тилде кошулат. Кээ бирлери казакча, кээ бирлери орусча даярдалган. Бизде башынан аягына чейин 35 каттам даяр. 35 багыттын барын тиркемеге кошобуз. Белгилүү болгондой, Казакстандын эгемендүүлүк алганына 30 жылдыгына карата бештин айынын 16да эмгегибизди коомчулукка тааныштырабыз деген үмүттөбүз.
Жеңүүчүлөрдүн арасында «Есилди бойлой сейилдөө» туристтик маршруту да бар. Иштеп чыгуучулардын айтымында, бул чет элдик туристтерди да, жергиликтүү тургундарды да кызыктырат. Бул жол менен сейилдөөчүлөр жана катышуучулар борбордун кооз жерлерин көрүп эле тим болбостон, шаар окуяларын тыңдап, ал тургай бир күндө жасалган кадамдардын саны боюнча рекорд коё алышат.
Камилла Шынгожинова, сынактын жеңүүчүсү:
- Биздин багытыбыз Тынчтык жана Ынтымак сарайынан башталат. Андан соң Есилдин жээгин бойлой борбордук паркты кесип өтөбүз. Республика көчөсүнүн бир бөлүгүн камтыйт. Ошентип, «Сейилдөө» көпүрөсүнө жетебиз. Аудио гид түзүүдө санариптик маалыматтарга таянбайбыз деп чечтик. Маалымат ар бир адам түшүнө турган жөнөкөй жол менен берилет. Бул жолду тандаган туристке ыңгайлуу болушу үчүн ырлар жүктөлгөн. Башкача айтканда, радио бар деп айтууг болот.
Эми долбоордун алкагында жаңы туристтик маршруттар боюнча маалыматтар чет тилдерге которулуп, алар чет элдик туристтерге онлайн режимде да жеткиликтүү болот.
Которгон: Илгиз Жамалбеков
