Бүгүн Казакстанда өзгөчө кырдаал режими аяктады. Эми бүтүндөй өлкө кадимки жашоого кайтып келет. Коомдук тартипти чыңдоо, эркин жүрүүгө жана калктуу конуштарга кирип-чыгуу чектөө чаралары алынып салынды. Алматы менен Жамбылда гана антитеррордук режим жана террордук коркунучтун “кызыл” деңгээли сакталат. Андыктан бул жерде куралдуу күчтөр күнү-түнү кайтарууну улантат. Блок-бекеттер алынып салынбайт. Ошондой эле, түн ичинде жүргөн адамдарды жана унааларды текшерүү иштери улантылат.
Ал эми Мангыстау облусунда түнкүсүн 8 блок алынып, аскердик техникалар чыгарылды. Бул жерде полиция кызматкерлери гана күчөтүлгөн режимде ишин улантат.
Калдымурат Айгараков, облусттук ПД ЖПК башкармасынын башчысы:
- Мындан ары коомдук коопсуздукту камсыздоо максатында «Укук тартиби» оперативдүү-профилактикалык иш-чаралары өткөрүлөт. Абалды түшүнүү менен кабылдаганыңыздарга ыраазычылык билдиребиз.
Которгон: Илгиз Жамалбеков
