Мунайды кайра иштетүүчү заводдор үчүн чийки затты жер казынасын пайдалануучулардан түз сатып алуу, кара алтындын биржалык соодасын киргизүү жана анын көлөмүн көбөйтүү маанилүү. Өлкөнүн мунай рыногундагы кырдаалды жакшыртууга байланыштуу бул сунуштар экономиканы монополиядан чыгаруу боюнча комиссиянын кезектеги жыйынында көтөрүлдү. Ушундай эле эрежелер коммерциялык газ базарында да айтылган. Бул жеткирүүчүлөр уюмдарга аны түздөн-түз жана атаандаштык негизде алууга мүмкүндүк берет. Алихан Смаилов тиешелүү органдарга бул ыкмаларды өлкөнүн экономикасына тийгизген таасири боюнча мындан ары талдап чыгууну тапшырды. Өкмөт башчы авиациялык күйүүчү май менен биржалык сооданын үлүшүн 10дон 20%га чейин көбөйтүү, аэропорттордо ачык асман режимин колдонуу мөөнөтүн 3 жылдан 5 жылга узартуу, өлкө ичиндеги банктар ортосундагы кардарларды учурдагы эсептерди которуу системасын киргизүү жана ачык программалык интерфейстердин стандарттарын киргизүү сунуштарын колдоду.
Которгон: Илгиз Жамалбеков
