Казакстанда чек
аранын 5 тилкесинде транспорттук, логистикалык жана соода түйүндөрүнүн курулушу
кызуу жүрүп жатат. Учурда Каспий деңизинде Саржа көп функционалдуу деңиз
терминалы курулууда. Анын кубаттуулугу жылына 10 миллион тоннаны түзөт.
Долбоорду 2030-жылы бүткөрүү мерчемделген. Ага ылайык, терминалдарды жана
транспорттук-логистикалык борборду, бардык зарыл болгон темир жолдорду куруу
каралган. Казак бийлигинин айтымында, мунун баары Каспий багытынын экспорттук
дараметин жогорулатууга мүмкүндүк берет. Буга кошумча дагы бир «Алатау» өнөр
жай соода-логистикалык комплексин индустриалдык аймак түрүндө ишке ашыруу
пландаштырылууда. Долбоорду ишке киргизүү 2026-жылдын 2-чейрегине мерчемделген.
Ал эми Орусия менен чектеш – Уралда "Евразия" трансчегаралык соода
борборун түзүү пландалууда. Ал аркылуу жүк коңшу өлкөнүн жана Чыгыш Европанын
бир катар шаарларына жеткирилет. Курулуш иштери 2024-жылдын аягында аяктайт деп
күтүлүүдө. Кытай менен кошулган жерде азык-түлүк хабын түзүү ата мекендик жана
чет өлкөлүк өндүрүүчүлөрдүн тамак-аш азыктарын сактоого жана бөлүштүрүүгө
мүмкүндүк берет. Буга деңиз азыктары, жашылча-жемиштер, эт, сүт жана
тоңдурулган азыктар кирет. Андан кийин аны Кытай Эл Республикасынан башка
Азия-Тынч океан базарларына жөнөтөт. Жалпысынан “Хоргос” түйүнүн өнүктүрүү
казак-кытай азык-түлүк коопсуздугун кыйла бекемдөөгө мүмкүндүк берет.
Которгон: Илгиз Жамалбеков.
