Казакстан менен Өзбекстандын куралдуу күчтөрүнүн “Канжар-2023” биргелешкен
машыгуусунун экинчи этабы аяктады. Маңгыстау облусундагы «Оймаша» полигонунда
атайын багыттагы биргелешкен тактикалык бөлүккө террордук коркунуч жаралган
учурда бирдиктүү алгоритм иштеп чыгуу, мыйзамсыз курал-жарактарды аныктоо жана
алардын булагын жок кылуу милдеттери коюлду. Чыныгы күжүрмөн шарттарда
машыгууга жөө аскерлердин согуштук унаалары, артиллериялык жана зениттик
системалар, тик учактар, учактар жана учкучсуз учуучу аппараттар тартылган.
Эске сала кетсек, ушул айдын башында Өзбекстанда биргелешкен компьютердик
командалык-штабдык окуунун биринчи этабы бышыкталган. Атайын машыгуу Борбор
Азия аймагындагы аскердик коопсуздукту камсыздоого багытталган.
Бердимурат Абибуллаев, 25744 аскердик бөлүм командири, гвардиянын подполковниги:
Бул окуу-машыгуунун негизги максаты - чек арадагы мыйзамсыз куралдуу топторду биргеликте жок кылып, алардын күч-аракетин жоюу жана бири-бирибиз менен тажрыйба алмашуу болуп саналат.
Которгон: Илгиз Жамалбеков
