Казакстанда жыл башынан бери экономиканын бир катар тармактарында өсүш байкалды. Атап айтканда, машина куруу багытындагы өсүштүн натыйжасы жакшы. Жалпысынан бул тармактагы көрсөткүчтөр 27% өскөн, ал эми анын алкагында унаа жасоо көлөмүнүн өсүшү 42%ды гана түздү. Ата мекендик жеңил өнөр жай болсо 12% жогорулаган. Курулуш тармагындагы өсүш да жогору бааланды. Анткени бул мезгилдин ичинде республикада 13 миллион чарчы метр турак-жай пайдаланууга берилген. Өкмөттүн жыйынында өлкөнүн 10 айдагы социалдык-экономикалык өнүгүүсү каралды. Эгер сандарга келсек, жыл башынан бери экономиканын өсүү ыргагы 5%га бир аз жетпейт. Ал эми инфляциянын деңгээли 10,8% жетти. Премьер-министр бардык облус жетекчилерине жыл аягына чейин социалдык-экономикалык өнүктүрүү боюнча иштерди аягына чыгарууну тапшырды. Бул үчүн биринчи кезекте жеке инвестицияларды тартууга басым жасоо керектигин Алихан Смаилов белгиледи.
Алихан Смаилов,
Казакстандын Премьер-министри:
- Мамлекеттик
органдар жана аймактар инвестиция тартуунун үстүндө иштеп, пландаштырылган
долбоорлорду ишке ашырууну камсыз кылышы керек. Мындан тышкары, мамлекет
башчысы ар бир орто ишкана боюнча өндүрүштү 2-3 эсеге кеңейтүү милдетин койду.
Которгон: Илгиз Жамалбеков
Веб-редактор: Аида Умирзаковна
Oкшош жаңылыктар
