Мухтар Ауэзовдун 125 жылдыгы Түркияда белгиленди. Анкарада Казак элинин агартуучусу: Мухтар Ауэзов аттуу эл аралык конференция уюштурулуп, залкар жазуучу, окумуштуу, окумуштуунун чыгармаларын түрк тилине которуу маселеси каралды. Жыйынга Түркиянын белгилүү акын-жазуучулары, илимпоздору жана коомдук ишмерлери катышты. Иш-чаранын жүрүшүндө Зейнолла Кабдоловдун Менин Ауэзовым китебинин түрк тилиндеги нускасы тартууланды.
Биляль Чакыжы, Түрксой Эл аралык уюмунун төрагасынын орун басары:
Биз Мухтар Ауэзовду Казакстан же Кыргызстанда гана эмес, бүткүл дүйнөгө таанылышын каалайбыз. Анын чыгармаларынан жаштар адептүүлүктү, маданиятты үйрөнсүн дейбиз. Анын үстүнө быйыл Казакстан менен Түркиянын ортосундагы дипломатиялык мамилелердин түзүлгөнүнө 30 жыл толду. Буга байланыштуу эки өлкөнүн ортосундагы дипломатиялык гана эмес, маданий мамилелер дагы кеңейип, чыңдалышын каалаймын.
Асем Ережеп кызы, «Менин Ауэзовым» китебинин котормочусу:
Бул китепти Түрксойдун долбоору катары кыштан бери которуп келем. Мен Абайдын, Мухтардын айылында туулуп-өскөн кыз болгондуктан, бул бакыттын мага берилгенине абдан кубанычтамын. Котормо оңой деп айта албайм. Бирок мен дагы эле бул иштин башында турганыма кубанычтамын.
Которгон: Илгиз Жамалбеков
