Түрк тилдүү элдерди жалпы тарых жана маданият байланыштырып турат. Мисалы, казактар менен чуваштардын улуттук кийимдери абдан окшош. Эркектер такыя, булгаарыдан жасалган бут кийим кийсе, аялдар зер буюмдарын, саймалуу көйнөк жана кемсал, шөкүлө тандашат. Үй-бүлөлүк салтта да улантуучулук бар.
Надежда Сельверстрова, Чуваш музейинин жетекчиси:
- Мисалы, элибизде кыз узатуу салтына байланыштуу жаралган ырым-жырым ыры бар. Кыздарды кан аралашпасын деп алыс жерлерге турмушка узаткан. Анткени бир айылда туугандар жашаган. Ошондуктан кыз үйдөн чыгып бара жатып, ата-эне, бир туугандар, айылдаштар, туугандар, курбу кыздар, туулуп-өскөн жери менен коштошуп жатып ыраазычылыгын билдирген.
Түрк тилдүү элдердин музыкалык мурасында жалпылыктар көп. Аспаптардын окшоштугунан баштап – үйлөмө жана кылдуу аспаптар. Шаңкобыз, сазсырнай, домбра - казактарда да, чуваштарда да кездешет. Даниил Данилов музыкалык аспаптарды жасаган чебер. Ал заманбап дүйнөдө чуваш тамрасын жайылтууну кыялданат. Бул жаатта ага Казак адистеринин тажрыйбасы маанилүү, дейт ал.
Даниил Данилов, музыкант:
- Мен квартты гана изилдедим. Анткени эч кандай маалымат болгон эмес. Себеби, бул улуттук аспабыбыз жоголуп баратат. Ушул суроонун тегерегинде ойлонуп, бул музыкалык аспапты калыбына келтирүүнү чечтим. Бизде домбрага окшош «тамра» деп аталган аспап жасаган уста бар экенин да билдим.
Которгон: Илгиз Жамалбеков
