Европа Биримдиги
суу ташкынынан жапа чеккен казакстандыктарга гуманитардык жардам
таратат. Бул тууралуу Евробиримдиктин өлкөдөгү өкүлчүлүгүнүн басма сөз кызматы
билдирди. Катуу суудан эң көп жабыркаган үй-бүлөлөргө жалпы көлөмү 200 миң евро
бөлүнөт.
«Алдыдагы 3 ай ичинде көрсөтүлгөн гуманитардык жардам суу ташкынынан олуттуу жабыркаган 5 миң адамга түз багытталат. Үй-бүлөсүн баккан аялдарга, мүмкүнчүлүгү чектелген же кары-картаңдарга, үчтөн ашык балалуу үй-бүлөлөргө өзгөчө көңүл бурулат», - деп айтылат билдирүүдө.
Казакстандын Кызыл Жарым Ай Коомуна колдоо көрсөтүү алкагында Европа Биримдигинин бул каржылоосу өтө зарыл болгон шашылыш жардамды, анын ичинде төшөнчү-шейшептер, көп максаттуу акчалай каражат менен гигиеналык материалдар сыяктуу турмуштук заттар менен камсыз кылууну көздөйт.
Которгон: Илгиз Жамалбеков
Веб-редактор: Әсел Бақытқызы
Oкшош жаңылыктар
