Өткөн жекшембиде Астанада теннис боюнча мелдештин чейрек финалынын беттештери болуп өттү. Ошентип жарым финалга чыккан оюнчулар белгилүү болду. Алардын бири - Адриан Маннарино, ал ATP рейтингинде 34-орунда турат. Франциялык спортчу Юрий Родионовду эки таймда тең утуп алды. Маалым болгондой, Маннаринонун жарым финалдагы атаандашы австриялык Себастьян Офнер болмокчу. Айта кетсек, ал мекендеши, US Open 2020 чемпиону Доминик Тимди утуп алды. Эми чейрек финалда нидерланддык Таллон Грикспурду жеңип алган сербиялык Хамад Медьедович менен америкалык Себастьян Корда экинчи жарым финалда беттешет.
Хамад Медьедович,
теннисчи:
-Жарым финалда жакшы
ойноп, жеңишке жетем деп ишенем. Бул жолку оюн жогорку деңгээлде өтөт деп
ойлойм. Мен эми өзүмө ишенимдүү болуп калдым. Швейцарияда мындай оюндан
тажрыйбам бар болчу. Менин максаттарымдын бири – жылдын аягына чейин ТОП 100гө
жана Австралиянын ачык чемпионатынын негизги бөлүгүнө кирүү. Мен буга абдан жакындадым деп ойлойм. Мага дагы бир
нече упай топтоого туура келет.
Которгон: Илгиз Жамалбеков
Веб-редактор: Ализа Абай
Oкшош жаңылыктар
