Казакстандын борборунда Олимпиада оюндарына даярдык көрүү боюнча штаб ачылды. Анда спортчуларды алдыда боло турган дүйнөлүк жана башка да ири мелдештерге колдоо көрсөтүлөт. Ыйгарым укуктуу орган бардык комплекстүү мелдештер аяктаганга чейин иштейт. 2024-жылы Казакстан үчүн биринчи чоң жарыш Кореянын Канвон шаарында үчтүн айынын 19нан бирдин айынын 1не чейин өтө турган жаштардын IV Кышкы Олимпиада оюндары болмокчу. Ал эми жайында Парижде отуз үчүнчү Олимпиада жана 18-паралимпиадалык оюндар өтөт. Белгилей кетсек, Казакстан курамасында спорттун 8 түрү боюнча 17 лицензия бар.
Ермек Маржикпаев, Казакстан Республикасынын туризм жана спорт министри:
- Бизде мындай тажрыйба болгон эмес. Штаб туруктуу иш алып барат. Маселелер абдан көп, медициналык камсыздоо, фармакологиядан баштап, алар чет өлкөлөрдөгү элчиликтерибиздин жардамы менен чечилип жатат. Бул Париждеги Олимпиада оюндары гана эмес. Эки жумадан кийин биздин курама команда Кореянын Канвон шаарына жөнөп кетет. Биз 30 лицензия утуп алганбыз. 42 спортчу 10 дисциплина боюнча барат. Биз ийгиликке үмүттөнүүдөбүз.
