Астана Опера театрында «Сүйүү суусундугу» эки актылуу комедиясынын бет ачары өттү. Белгилүү композитор Гаэтано Доницетти тарабынан эки аптада жазылган дүйнөлүк опера шедеври 2 кылымдан бери өз актуалдуулугун жоготкон эмес. Комедия менен коштолгон окуя желеси колунда бар үй-бүлөнүн кызына ашык болгон кедей жигит тууралуу баяндалат. Башкы каарман махабат дартынан айыктыруучу элексир сатып алат. Сыйкырлуу суусундук кадимки суу болуп чыгат. Ага карабай башкы каарман Адина жигитти сүйүп калып, окуя той менен аяктайт. Эскирбеген чыгарманын маани-маңызын жоготпой заманбап ыкмада жасалгалоо үчүн белгилүү сценограф Эцио Фриджерио менен Оскар сыйлыгынын ээси, костюм боюнча сүрөтчү Франка Скуарчапино чакыртылган. Коючу рёжиссёру франциялык Арно Бернар болду. Анын көзү менен опера сахнасындагы киного айланды, дейт тармак өнөрпоздору.
АРНО БЕРНАР, КОЮУЧУ РЕЖИССЁР / ФРАНЦИЯ:
- Аталган классикалык спектакль кинематографиялык стилде жасалганы менен композитордун оюн так жеткирет. Композитордун күчтүү обону талап кылган деңгээлде жаралган. Азыр кинонун жана телевидениенин доору. Ошондуктан эски стилдеги кыймылсыз көрүнүштөрдү жаратпашыбыз керек. Репертуары кубанычка толгон. Адамдын маанайын, ички дүйнөсү менен мүнөзүн кыймылсыз көрсөтүү мүмкүн эмес. Бул керемет театрдын керектүү техникалык мүмкүнчүлүктөрү жана чыгармачыл жамааты бар экенине көзүм жетти.
ЖАН ТАПИН, «АСТАНА ОПЕРА» ТЕАТРЫНЫН ЖЕТЕКЧИ СОЛИСТИ:
- Мен Астана Опера театрында көптөгөн жаңы спектаклдерге катышып жүрөм. Бирок бул өзгөчө спектакль болду. Анткени музыка жагынан, обон жагынан, режиссура, драматургия жагынан көзүбүз жакшы ачылды деп ойлойм. Себеби, Арно Бернар европа, дүйнө жүзүнө белгилүү режиссер.
