Быйыл Алматы шаарынын негизги капиталына 700 миллиард теңгеден ашык инвестиция тартылды. Аталган каражаттын көпчүлүгү жеке инвесторлор тарабынан салынган. Мындай маалымат менен шаар башчысы Бакытжан Сагинтаев бөлүштү. Анын айтымында, каражаттын көпчүлүгү кыймылсыз мүлк тармагына багытталган. Дагы бир бөлүгү өнөр жай, транспорт, кампа сактоо, саламаттык сактоо, социалдык жана каржы чөйрөлөрүнө, камсыздандырууга инвестицияланган. Бакытжан Сагинтаевдин маалыматына ылайык, быйылкы жылы Алматы шаарында жалпысынан 90 жаңы инвестициялык долбоор ишке ашырылат.
БАКЫТЖАН САГИНТАЕВ, АЛМАТЫ ШААРЫНЫН АКИМИ:
- 2020-жылдын 11 айынын жыйынтыгы боюнча мамлекеттик бюджетке салык менен башка да төлөмдөр өткөн жылга салыштырмалуу 1 пайызга өстү. Мамлекеттик бюджетке түшкөн жалпы киреше бөлүгүндө шаардын үлүшү 23,5 пайыздан 25,7% чейин өскөн.
Ошондой эле, Бакытжан Сагинтаев убактылуу кабыл алынган каатчылыкка каршы чаралардын аркасында Алматы экономикасы турукташкандыгын белгиледи. Өнөр жай, байланыш жана курулуш сыяктуу стратегиялык тармактарда экономикалык өсүү сакталды.
БАКЫТЖАН САГИНТАЕВ, АЛМАТЫ ШААРЫНЫН АКИМИ:
- Шаар эпидемиядан кийинки мезгилде тез калыбына келүү мүмкүнчүлүгүнө ээ болду. Алматы шаарынын акимчилиги колго алган антикризистик чаралардын комплекси жумуш орундарын, кирешелерди сактоого, чакан жана орто бизнести колдоого, өндүрүш тармагындагы буйрутмаларды стимулдаштырууга багытталган. Бештин айынын бирине карата 77 миңден ашуун жаңы жумуш оруну түзүлдү. Алардын 37 миңи туруктуу жумуш оруну болуп саналат.
Веб-редактор: Admin
Oкшош жаңылыктар
