Алматы облусунда биринчи ири индустриалдык-логистикалык хаб түзүлөт. Долбоор бир нече этап менен ишке ашырылат. Анын биринчи фазасы 2027-жылга чейин, экинчи фазасы 2029-жылга чейин пландаштырылган. Ал эми акыркы өнүктүрүү иштери 2032-жылы бүтөрү күтүлүүдө. Жалпы курулушка 550 гектарга жакын жер каралат.
Ерлан Койшыбаев, Алматы облусунун ишкердик жана индустриалдык-инновациялык өнүктүрүү башкармасынын бөлүм башчысы:
– 550 га жерден 215 га ачык соода аянты, 250 га контейнер терминалы жана 85 га темир жол инфраструктурасын куруу пландаштырылууда. Долбоордун жалпы баасы 90 миллиард теңге болуп, 3 миң туруктуу жумуш орундары түзүлөт деп болжолдонууда. Бул транспорттук-логистикалык хаб мультимодалдык соода аймактарынан, транспорттук-логистикалык түйүндөрдөн жана кампалардан турат. Анын башка хабдардан айырмасы – синергетикалык эффекти бар жана Казакстандын жана Алматы облусунун транзиттик дараметин пайдаланып, транспорттук-логистика тармагындагы бааны турукташтырууга өзгөчө таасирин тийгизет.
Которгон: Илгиз Жамалбеков
Веб-редактор: Айдана Нагиева
Oкшош жаңылыктар
