2026-жылы темир жол транспортунун көлөмү 327 миллион
тоннаны түзөт деп болжолдонууда. Транзиттик ташуу жыл сайын туруктуу 20% өсүү
көрсөтүп келет. Быйыл «Кызылжар – Мойынты» жана «Дарбаза – Мактаарал»
участокторунда стратегиялык курулуш долбоорлору жасалат. Буга кошумча
поезддерди жөнгө салуунун заманбап системалары киргизилип, кыймыл коопсуздугу
менен өткөрүү жөндөмдүүлүгү артат. Темир жолдорду капиталдык оңдоо улантылат.
2026-жылы 1,6 миң чакырым темир жолду оңдоо пландаштырылган. Транскаспий багыты
менен жүк ташууну арттыруу үчүн соода флоту 4 паром менен толукталат. Быйыл жүк
ташуу көлөмүн 90 миң контейнерге чейин жеткирүү мерчемделүүдө.
Жанибек Тайжанов, транспорт министринин орун басары:
- 233 локомотив, 1,4 миңден ашык жүк жана 191 заманбап
жүргүнчүлөр вагонун жеткирүү пландалууда. Эл аралык транспорт коридорлору дагы
тездик менен өнүгүүдө. Алар – Транскаспий эл аралык транспорт багыты жана
Түндүк – Түштүк багыттары. Транскаспий багытынын өткөрүү мүмкүнчүлүгүн арттыруу
алкагында порттордун инфраструктурасын жаңылоо долбоорлору ишке ашырылууда.
Которгон: Илгиз Жамалбеков
Oкшош жаңылыктар
