Өлкөнүн экономикасы өнүгүп, ишкердик активдүүлүк өсүүдө. Бул тууралуу Каржы министринин бүгүн Мажилисте болгон баяндамасында айтылды. Ерулан Жамаубаевдин айтымында, былтыркы киреше 12 триллион теңгеден ашкан. Ички дүң өнүмдүн өсүшү 4% га жетти. Бардык тармактарда жылыш бар. Мисалы, өнөр жай 4%, ал эми курулуш 7,6%га өстү. Транспорт тармагында да жылыштар байкалат. Сооданын өсүшү 9 пайыздан ашты.
Ерулан Жамаубаев, Казакстандын каржы министри:
- 2021-жылдын жыйынтыгы боюнча инфляциянын деңгээли 8,4 пайызды түздү. Негизги капиталга инвестициянын көлөмү 3,5 пайызга өстү. Жумушсуздук 4,9% деңгээлинде калды. Мында республикалык бюджеттин аткарылышы төмөнкү көрсөткүчтөр менен мүнөздөлөт. Киреше 100,8%га аткарылып 12,7 триллион теңгени, ал эми чыгашалар 99,2%га аткарылып 15,2 триллион теңгени түздү. Социалдык чыгымдар 2020-жылга салыштырмалуу 910 миллиардка көбөйүп, 7,5 триллион теңгени түздү.
Бюджеттик чыгашалардын жарымы социалдык тармакка багытталган. Бул жаатта министр мамлекет өзүнүн социалдык милдеттемелерин толук аткарганын билдирди.
Ерулан Жамаубаев, Казакстандын каржы министри:
- Билим берүү, саламаттыкты сактоо жана маданият тармагындагы мугалимдердин, дарыгерлердин, маданият жана социалдык коргоо кызматкерлеринин айлык акысы көтөрүлдү. Бул тармактарга 950 миллиард теңгеге жакын каражат жумшалган. Эпидемияга каршы иш-чараларга 422,6 миллиард теңге бөлүнгөн. Жалпысынан алганда, пандемияга карабастан, мамлекет өзүнө алган социалдык милдеттенмелерин толук аткарды.
Которгон: Илгиз Жамалбеков
Веб-редактор: Admin
Oкшош жаңылыктар
