Мааракелик кечелер, ири көргөзмөлөр, тарыхый спектаклдер жана майрамдык концерттер менен кинотасмалар. 2021-жыл агартуучулук жана маданий иш-чараларга бай болот. Тармактык адистердин айтымында, негизги иш-чаралар Казакстандын көз карандысыздыгынын 30 жылдыгына арналат. Эгемендүүлүктүн урматына өлкөнүн бардык аймактарында ири жолугушуулар, конференциялар жана комплекстүү маданий программалар топтому уюштурулат. Казакстандын улуу акыны Жамбыл Жабаевдин 175 жылдыгына карата жана өлкөнүн башка маанилүү ысымдарына арналган ири масштабдуу иш-чаралар уюштуруу көздөлгөн.
ГАНИ МУРАТОВ, КАЗАКСТАНДЫН МСМ МАДАНИЯТ ЖАНА ӨНӨР ИШТЕРИ ДЕПАРТАМЕНТИ БАШЧЫСЫНЫН ОРУН БАСАРЫ:
- Абай жылында ойчулду урматтоо иш-чаралары жогорку деңгээлде уюштурулду. Быйыл улуу акын Жамбыл Жабаевдин мааракесин белгилөө үчүн атайын план иштелип чыкты. Ушундай белгилүү инсандар менен катар быйыл өлкөнүн эмгек сиңирген маданий, мамлекеттик жана коомдук ишмерлеринин мааракеси белгиленмекчи. Анын ысымдары жетиштүү. Мисалы, быйыл композитор Канап Мусиндин туулган күнүнө 100 жыл . Жалпы улуттук музыка дүйнөсүнүн өнүгүшүнө чоң салым кошкон Сыдык Мухамеджанов, Латиф Хамиди, Ахмет Жубанов сыяктуу инсандар көп. Маараке ээлеринин урматына көптөгөн иш-чараларды уюштуруу көздөлгөн.
Бул жыл ата мекендик киноиндустрияны өнүктүрүү үчүн абдан ийгиликтүү жыл болот. Мамлекет башчысынын буйругу менен өлкөнүн башкы көркөм продюссердик борбору оңдолуп түздөлөт. «Казакфильм» заманбап техникалык шаймандар менен жабдылат. Ошондой эле, Алтын Адамдын дүйнө жүзү боюнча жөө жүрүшү быйыл аяктайт. Белгилей кетүүчү нерсе, бул казакстандык долбоор дүйнө жүзүн кыдырып, чет элдик коомчулуктун кызыгуусун жаратты.
