Жаңа көлік жобалары Қазақстанның логистикалық әлеуетін арттырады

Қазақстанда Сауран қалашығының кіреберісі күрделі жөндеуден өтті. Бұл «Батыс Қытай – Батыс Еуропа» автожолының тарихи-археологиялық кешенге бұрылар тұсы. Бұған дейін көне қалашыққа жету үшін 30 шақырым айналма жолмен жүріп өту керек болатын. Жаңа жолайрық тарихи қалаға кіріп-шығуды айтарлықтай жеңілдетеді. Оның ұзындығы шамамен 2 шақырым. Құрылыс барысында қолданыстағы жол жамылғысы фрезерленіп, су өткізетін құбыр салынды. Жан-жағы абаттандырылып, таңбалары мен белгілер, жарықтар орнатылды. Олардың сапасына сараптама жүргізген жолшылар да стратегиялық нысанның барлық талапқа сай екенін айтады.

Нұржан Әшірмат, Ұлттық сапа орталығы Түркістан филиалының инженері:

- Жол құрылыс материалдарының 55 данасы сынақтан өткізілді. Оның ішінде 13 сынама талапқа сәйкес келмеген болатын. Осы методикаға сәйкес, мердігер тарапынан өзінің осы 13 сынаманың әдістемесіне сәйкес барлығы  жойылып, қалпына келтірілді. 

Веб-редактор: Айнұр Досан