Санкт-Петербургте халықаралық экономикалық форум өтіп
жатыр. Онда әлемдік көшбасшылар мен топ-менеджерлер және халықаралық БАҚ
өкілдері бас қосты. Ресей Президенті масс медиа өкілдерімен кездесті. Қазақстан
Президенті телерадиокешені директорының орынбасары Асқар Жалдинов Владимир Путинге
екі ел арасындағы сауда-экономикалық байланыстарды дамыту әлеуетіне қатысты
сұрақ қойды. Ресей басшысы энергетика - екіжақты ынтымақтастықтың басым бағыты
екенін атап өтті. Ол Ресей Қазақстанмен газ саласындағы әріптестік аясын кеңейтіп,
үшінші елдердің нарықтарына бірлесіп шығуға ниетті екенін жеткізді.
Владимир Путин, РФ Президенті:
- «Бізде Қазақстанмен ерекше байланыс орнаған. Бізді одақтастық
қарым-қатынас байланыстыратынын бәрі жақсы біледі. Біздің тарихымыз, кезінде біртұтас
мемлекеттің құрамында болуымыз, адамдар арасындағы тұлғааралық, гуманитарлық
деңгейдегі байланыстарымыз орасан зор мәнге ие. Қазақстан біздің қорғаныс
құрылымымыз - Ұжымдық қауіпсіздік туралы шарт ұйымының да, экономикалық
бірлестіктің де белсенді мүшесі. Біз Қазақстанмен Шанхай ынтымақтастық ұйымы
және басқа да ұйымдар аясында қарым-қатынасымызды нығайтамыз».
1. Жасанды интеллектті қолданасыз ба?
Сондай-ақ
