Үкімет «Қазақстан балалары» тұжырымдамасын бекітті

Үкімет «Қазақстан балалары» бірыңғай тұжырымдамасын бекітті. Ол өскелең ұрпақтың құқықтары мен мүдделерін тұрақты әрі жүйелі түрде қорғауға бағытталған. Президент Қасым-Жомарт Тоқаевтың тапсырмасы негізінде әзірленген Бағдарлама балалардың білім беру, денсаулық сақтау, қауіпсіздігін қамтамасыз ету және оларды әлеуметтік қолдауды көздейтін нақты шаралар жоспарын қамтиды. Сондай-ақ, құжатта балалардың құқықтары саласындағы нормативтік құқықтық базаны одан әрі іске асыру және жаңарту көзделіп отыр. Мемлекеттік кеңесші Ерлан Қарин әлеуметтік желідегі өз парақшасында «Қазақстан балалары» бағдарламасы – балалардың құқықтары мен болашақ ұрпақтың әл-ауқатын қамтамасыз ету бағытындағы негізгі мемлекеттік саясатқа ықпал ететін кешенді әрі ұзақ мерзімді құжат екенін атап өтті. Осылайша, бұл мәселелер басты бағыттардың бірі саналады және Мемлекет басшысы Қасым-Жомарт Тоқаевтың ерекше назарында.

Веб-редактор: Айнұр Досан