Түрікменстан мен FAO ауыл шаруашылығы саласындағы әріптестікті кеңейтуде

Түрікменстан мен БҰҰ Азық-түлік және ауыл шаруашылығы ұйымы бірлесіп су үнемдеу технологияларын енгізу және топырақтың тозуына қарсы күресуге келісті. Бұл уағдаластық Ашхабадта өткен «Ауыспалы климат жағдайындағы денсаулық пен тамақтану» халықаралық конференциясының қорытындысы бойынша тараптар қол қойған төрт келісімде бекітілген. Аталған құжаттар трансшекаралық өзендердің су ресурстарын басқаруды, жер пайдаланудағы және ауыл шаруашылығын климаттық өзгерістерге бейімдеудегі ынтымақтастықты көздейді. Барлық жобалар өңірдің азық-түлік қауіпсіздігі мен агросектордың тұрақтылығына бағытталған. Келісімге қол қою FAO бас директоры Цюй Дунъюяның Түркіменстанға ресми сапары аясында өтті. Айта кетейік, Орталық Азия елдері - 1995 жылдан бері ұйымға мүше, осы уақыт ішінде ауыл шаруашылығы және азық-түлік қауіпсіздігі саласында он бірлескен бағдарлама іске асырылды. Сонымен қатар, FAO делегациясы сандық технологиялар белсенді қолданылатын заманауи мал шаруашылығы және жылқы шаруашылығы кешендерінің жұмысымен танысты.

Виорел Гуцу Fao, Бас директорының орынбасары, Еуропа және Орталық Азиядағы өңірлік өкіл:

- Жоспарларымыз өте ауқымды - қоршаған ортаны қорғау, табиғи ресурстар және БҰҰ-ның азық-түлік және ауыл шаруашылығы ұйымы ретінде FAO-ның жұмысына байланысты басқа да көптеген салаларда ынтымақтастық орнаттық.

Маурицио Мартина, FAO бас директорының бірінші орынбасары:

- Бұл біздің биылғы алғашқы сапарымыз. Менің ойымша, қазір кең ауқымды жұмыс атқаратын уақыт келді. Біз климаттың өзгеруіне қарсы күрес және ауыл шаруашылығын жүйелі трансформациялау сияқты негізгі ғылыми-практикалық салалардағы ынтымақтастықты тереңдетуге дайынбыз. FAO оң нәтижеге жетуге ниетті. 

Веб-редактор: Айнұр Досан