Түрікмен спортшылары қысқы Азия ойындарына дайындалуда

Түрікмен спортшылары 7-14 ақпанда Қытайда өтетін қысқы Азия ойындарына дайындалуда. Ашхабад спорт кешенінде күн сайын мәнерлеп сырғанаушылар билерін пысықтап, шеберліктерін шыңдауда. Солардың бірі – елдің екі дүркін чемпионы Лариса Вахитова. Ол әрі жаттықтырушысы, әрі тәлімгері  атанған өзінің анасымен әр бағдарламаны әзірлейді. Жарыстарда әр қимылды мінсіз орындап шығуға қол жеткізу үшін әр әр нәрсеге егжей-тегжейлі назар аударылады. Сонымен қатар, қысқы Азия ойындарына алғаш рет түрікмен шорт-трекшілері қатысады.

Яна Вахитова, Мәнерлеп сырғанаудан жаттықтырушы:

- Қазір қыздарда күніне 3 рет жаттығу өтеді. Бұл таңертеңгі жаттығу, физикалық дайындық, хореография, дене дайындығы, техникамен айналысамыз, содан кейін мұзға шығамыз. Мұзда бағдарламаның бөліктері, сондай-ақ жаттықтырушымен бірге жақсы теңгерілген бағдарлама пысықталады. Олар үшін жеке мұз беріледі және барлық элементтерді мінсіз орындап шығу үшін күшейтілген дайындық жүргізіледі.

Айханум Гуламалуева, Шорт-тректен аға жаттықтырушы:

- Біз алғаш рет қатысқалы отырмыз. Спорттың бұл түрі бізде енді ғана қолға алынып жатса да, өзімізді көрсетіп үлгердік. Біз 2023 жылы «Азия балаларына» қатыстық. Сондай-ақ, біз, Кореядағы жарыста бақ сынадық. Болашақта осындай үлкен алаңдарда және үлкен жарыстарға біздің балаларымыз бен спортшыларымыз қатысып, еліміздің намысын лайықты қорғаса дейміз.

Авторы: Әсел Күшенғалиева

Веб-редактор: Нұрбек Балгүл Қайрошқызы