ТМД елдері қауіпсіздік органдары мен арнаулы қызметтері басшылары кеңесінің рөлі қазіргідей күрделі кезеңде бұрынғыдан да артып келеді. Бұл туралы Қасым-Жомарт Тоқаев кеңестің 55-ші отырысына қатысушылармен кездесуінде мәлімдеді. Мемлекет басшысы бұл алаңның қауіпсіздік саласындағы күш-жігерді үйлестіру тетігі ретінде танылғанын атап өтті.
Сондай-ақ Президент шұғыл және сараптамалық ақпаратпен дер кезінде алмасу өңірлік қауіпсіздікке төнетін қауіптер мен сын-қатерлерге қарсы тұру қабілетін арттыра түсуге ықпал ететінін айтты.
Жиынға Әзербайжан, Армения, Беларусь, Қазақстан, Қырғызстан, Ресей, Тәжікстан, Өзбекстан елдерінің, сондай-ақ ТМД терроризмге қарсы орталығы мен Атқарушы комитеті делегацияларының басшылары қатысты. Кездесу қорытындысы Достастық мемлекеттерінің арнаулы қызметтері арасындағы өзара ықпалдастықты одан әрі дамытуға ықпал етеді деп күтілуде.
Веб-редактор: Айдана Нагиева
Сондай-ақ
