Президент Солтүстік Македония Президентімен кездесті

Қазақстан Балқан түбегіндегі сенімді әріптес ретінде Солтүстік Македониямен жан-жақты серіктестікті дамытуға мүдделі. Бұл туралы Қасым-Жомарт Тоқаев Қазақстанға жұмыс сапарымен келген Солтүстік Македония Президенті Гордана Силяновска-Давковамен кездесуінде айтты. Президенттер екі ел қарым-қатынасының барлық саласына тың серпін беруге уағдаласты. Әсіресе, ауыл шаруашылығы, көлік-логистика, қаржы және туризм секілді басым бағыттарға назар аударылды. Мемлекет басшылары Солтүстік Македония фармацевтикалық компаниясының Алматыда өкілдік ашу туралы шешімін құптады.

Веб-редактор: Нұрбек Балгүл Қайрошқызы