Президент «Бәйтерек» ұлттық басқарушы холдингінің басқарма төрағасын қабылдады

Президент «Бәйтерек» ұлттық басқарушы холдингінің басқарма төрағасы Рустам Қарағойшинді қабылдады. Өткен жылы компания тобы тарапынан 6 трлн теңгеге жуық қолдау көрсетілген. Оның 4 трлн теңгеден астамы бизнеске, 2 трлн теңгеге жуығы тұрғын үй-құрылыс секторына бағытталған. Президентке шетелдік серіктестермен бірлескен қорлар арқылы ауыл шаруашылығы, өңдеу және тау-кен металлургиясы саласында жобалар жүзеге асырылатыны айтылды. Қасым-Жомарт Тоқаев екінші деңгейлі банктермен бірлесіп, энергетикалық және коммуналдық секторларды жаңғырту ұлттық жобасын іске асыруға қаржы тарту мәселесін шешуді тапсырды. 

Веб-редактор: Айнұр Досан